Una croníca per la madrogada

«Cumo siempre, atacou-me la curjidade: porque se le chama assi a aquel fumeiro i l que quieren dezir las palabras?, porque le cháman de modo defrente naqueilhas tierras?, que outros sentidos puoden tener essas palabras? Las perguntas nun parában i lhougo bi que atrás daqueilhas palabras se habien de scunder uas buonas cuontas. Por esso, ampecei ua biaige a saber de repuostas.

(...) I cumo yá bou farto de cuntar cuontas de bulhos, botielhos i botelos, quedo-me porqui, que yá me stá a dar la gana de comer un i a esta hora de la manhana an que scribo nun lo tengo al modo. Cumo dezie Trindade Coelho, el si ye un bun tipo, mas tamien nun hai que eisagerar. Bonda comer un cachico i chega. Se la gana cuntinar, l melhor inda ye que póngamos un botielho na nuossa boca i mos quédemos ambotelhados até passar la gana.»

(by Amadeu Ferreira, in Diário de Trás-os-Montes)